Денес (22 април 2024 година), ООУ „Дедо Иљо Малешевски“ – Берово и подрачните училишта организираа различни активности по повод Денот на планетата Земја, со серија на образовни и креативни активности наменети да ги инспирираат учениците за грижа и заштита на нашата животна средина.

Денот започна со рецитали во кои учениците со своја поезија го истакнаа значењето на одржливост и екологија. Овие изведби беа поддржани од наставници кои ја истакнаа важноста на секојдневните наши активности за зачувување и подобрување на природата која не опкружува.

Покрај литературните изразувања, учениците учествуваа и во ликовни активности, каде што тие креативно ги прикажаа своите идеи за здрава животна средина преку цртежи. Овие уметнички дела не само што го доловија еколошкиот дух на овој ден, туку и понудија увид во разновидните перцепции на учениците за светот во кој живеат.

Овие активности не само што беа шанса за учениците да се изразат и да научат, туку и да се здружат со своите врсници и наставници во заедничка мисија за поголема заштита на планетата. Преку вакви иницијативи, нашето училиште се стреми да иницира трајни вредности на одговорно однесување кон природата и активен придонес кон подобро утре.

Ние во ООУ „Дедо Иљо Малешевски“ сме посветени кон образование што ги поттикнува учениците не само да се стремат кон академски успеси, туку и да бидат чувствителни и одговорни граѓани кои го вреднуваат и штитат нашиот заеднички дом – Земјата. Со овие активности уште еднаш потврдивме дека сме посветени кон еколошкото образование и активизам.