Со огромна радост и неизмерна гордост ја споделуваме веста за уште еден блескав успех на ученичка од ООУ „Дедо Иљо Малешевски“ – Берово!

На престижниот Државен натпревар по биологија, кој се одржа на 31 мај 2025 година на Природно-математичкиот факултет во Скопје, во организација на Македонското биолошко друштво-Скопје, нашата талентирана ученичка Андреа Арнаутовска освои – I (прва) награда! 🥇

Овој извонреден резултат е круна на нејзиниот труд, посветеност и огромно знаење во областа на биологијата. За нејзината подготовка и поддршка беше заслужна нејзината менторка, наставничката Верица Арнаутовска.

Честитки за Андреа за одличниот пласман и за достојното претставување на нашето училиште на највисоко ниво! Овој успех е инспирација за сите нас и уште еден доказ за квалитетната работа во нашето училиште.

Браво Андреа, само продолжи да редиш успеси!