Денеска, во холот на ООУ „Дедо Иљо Малешевски“ – Берово, беше организирана весела и шарена новогодишна приредба од страна на учениците и наставниците. Настанот започна со поздравен говор од директорката на училиштето, м-р Наташа Аврамска, која им посака добредојде на сите присутни и им ги честиташе претстојните празници.

Новогодишната приредба вклучуваше разновидни точки, кои ги изведоа учениците со многу радост и ентузијазам. Преку песни, танци, рецитации и сценски изведби, учениците ја донесоа празничната магија и ги воодушевија сите присутни.

Оваа приредба беше прекрасна можност за сите нас да се зближиме и да го почувствуваме духот на празниците. Благодарност до учениците и наставниците кои со својата креативност и труд го направија овој настан незаборавен.

Среќна Нова година и многу радост, здравје и успех за сите! 🎄✨