Со голема радост и гордост ги споделуваме најновите успеси на нашите ученици, кои за крај на оваа учебна година донесоа значајни признанија за ООУ „Дедо Иљо Малешевски“ – Берово.

На Државниот натпревар по природни науки, кој се одржа на 18 мај 2025 година на Природно-математичкиот факултет во Скопје, во организација на Македонското биолошко друштво-Скопје, нашите млади научници ги постигнаа следните извонредни резултати:

Под менторство на вредната наставничка Александра Пачемска, учениците се закитија со:

• Теофил Цикарски од VI одделение – освоена II (втора) награда! 🥈
• Давид Ролевски од VI одделение – освоена III (трета) награда! 🥉
• Теодор Пелтековски од V одделение – добиена Пофалница за покажаното знаење! 📜

Овие награди и признанија се доказ за големиот труд, посветеноста и љубовта кон природните науки кај нашите ученици, како и за стручната и мотивирачка работа на нивната менторка. Честитки за Теофил, Давид и Теодор за одличниот пласман и за достојното претставување на училиштето! Ви посакуваме уште многу успеси во иднина и продолжете да го негувате вашиот истражувачки дух!