Денеска, во ООУ „Дедо Иљо Малешевски“ – Берово, се одржа завршниот Spelling Competition, натпревар по пишување зборови на англиски јазик за учениците од осмо одделение. Во натпреварот учествуваа 10-те најдобри ученици од целата генерација, кои покажаа одлично знаење и брзина во спелувањето.

По неколку интензивни круга, Стефан Муртовски се истакна како најдобар и го освои првото место. Неговата прецизност и брзина во спелувањето зборови на англиски јазик го направија победник на овој натпревар.

Честитки до Стефан Муртовски за неговиот успех и до сите ученици кои учествуваа во натпреварот. Вашата посветеност и труд се за пофалба. Продолжете да го негувате вашето знаење и вештини, и ви посакуваме уште многу успеси во иднина!