По повод 3 Декември – Меѓународниот ден на лицата со попреченост, денес во ООУ „Дедо Иљо Малешевски“ – Берово, со задоволство ги пречекавме корисниците од Дневниот центар за лица со посебни потреби Берово. Нашите гости уживаа во специјалната програма што ја подготвија учениците од училиштето.

Под мотото „Гледај ја личноста, не попреченоста“, настанот беше посветен на поттикнување на прифаќањето и почитувањето на различностите, со цел да изградиме општество каде разликите се сила, а не препрека. Со песна, игра и дружење, учениците и гостите споделија моменти на радост и заедништво, испраќајќи силна порака за еднаквост и разбирање.

Единствената попреченост е неумешноста да го гледаме светот со исти очила. Бидејќи, сите сме исти – делиме радост и среќа, заедно славиме и се поддржуваме во предизвиците.

Благодарност до сите учесници и гости за ден исполнет со љубов, разбирање и солидарност. Заедно можеме да го направиме светот подобро место за сите! 🌍❤️