На 24.02.2026 година се одржа третата, а воедно и последна работилница од проектот ЦКА–ПХВ – Промоција на хумани вредности.

Нашите млади волонтери преку интерактивни игри и практични вежби имаа можност да научат како правилно се документира еден успешно реализиран проект – од планирање, до евидентирање на активности и резултати.

Волонтерите беа поделени во групи, секоја со свој мини ментор и со своја целна група на која ќе работи во наредниот период. Со многу ентузијазам, креативност и тимска работа, младите ги разработија своите идеи и ги поставија целите за претстојните активности.

Им посакуваме на сите групи успешно спроведување на замислените активности, многу позитивни искуства и вистинско влијание во заедницата!