Во рамките на своите програмски активности,СВР Штип – Отсек за превенција во соработка со општина Берово и општина Пехчевоорганизираше квиз натпревар за учениците од основните училишта на тема “Колку го познаваш сообраќајот“.
На натпреварот кој се одржа во ООУ “Дедо Иљо Малешевски“ во Берово учествуваа 3 екипи од по 3 ученици од ООУ “Дедо Иљо Малешевски“ од Берово, ООУ “Никола Петров Русински“ од Русиново и ООУ “Ванчо Китанов“ од Пехчево.
Квиз натпреварот се одвиваше со поставување на прашања на екипите во 4 круга, после што најуспешна беше екипата од Пехчево со 62 освоени бодови, второпласирани беа учениците од Русиново со 58 бодови и учениците од Берово со 54 бодови.
Натпреварот се одржа со покровителство на ОБСЕ, Општина Берово и синдикалната организација на ПС од ОН во Берово. 
 

 

 

 
‘