Денеска, во ООУ „Дедо Иљо Малешевски“ – Берово, се одржа предавање на тема „Борба против зависности“. Настанот беше организиран во соработка со Црвениот крст, а предавач беше Грозданка Миловска.

Учениците од осмо и деветто одделение имаа можност да слушнат важни информации за различните видови зависности, како и за начините на нивно препознавање и превенција. Преку едукативен пристап, се нагласи важноста на здравите животни навики и поддршката од семејството и заедницата.

Ова предавање претставува дел од континуираните напори на нашето училиште да ги едуцира учениците за теми од витално значење за нивното здравје и благосостојба. Благодарност до Црвениот крст и Грозданка Миловска за нивниот придонес во реализацијата на оваа важна активност.