Со длабока тага и неверување, учениците и вработените во ООУ „Дедо Иљо Малешевски“ – Берово со едноминутно молчење, раце склопени во молитва и солзи во очите им оддадоа почит на прерано згаснатите млади животи.

„Патувајте со ангелите, цветови прерано откинати“, „Вечна ви слава“, „Вечен непребол“, „Никогаш да не се повтори“ – ова се само дел од потресните пораки кои одекнаа во училишните ходници, како израз на длабокото сочувство и болка.

Македонија денес тагува, а зборовите се немоќни да ја опишат празнината што останува. Нема утеха за загубата, но болката и сеќавањето на жртвите ќе продолжат да живеат во нашите срца.