Изминатиов викенд (сабота, 26 април 2025), нашиот училишен тим по Прва помош покажа големо знаење, подготвеност и тимски дух и го освои првото место на Општинскиот натпревар по Прва помош!

Натпреварот, кој се одржа во спортската сала „Македонски бранители“ во Берово, беше одлично организиран од Црвениот крст на РСМ – Општинска организација Берово, и собра екипи од основните и средните училишта.

Во категоријата на основни училишта, нашите ученици беа најдобри и заслужено го освоија шампионското место! Покажаа дека знаат како да реагираат брзо и правилно во моменти кога првата помош е најпотребна – вештини кои навистина можат да спасат живот.

Огромни честитки до нашите шампиони – учениците од тимот по Прва помош! Горди сме на вашиот труд, посветеност и на знаењето што го покажавте. Вие сте пример за сите!