На 12 јуни 2024 година, во нашето училиште ООУ „Дедо Иљо Малешевски“ – Берово, беше организиран најинтересниот натпревар во спелување на зборови „SPELLING BEE“. Наставничките Сања Везенковска и Александра Буровска, заедно со учениците од пето одделение, ја завршија учебната година на забавен и едукативен начин, избирајќи ги тројцата најдобри „SPELLING BEE“ ученици.

Целта на натпреварот беше преку забавна интеракција учениците да го покажат своето знаење и умеење во брзото и точното пишување на зборови на англиски јазик. Натпреварот не само што донесе забава, туку и ги мотивираше учениците да се натпреваруваат за награди, сертификати и пофалници.

Најдобрите ученици на натпреварот се:

• I место: Теофил Цикарски
• II место: Јана Каламадевска
• II место: Јована Каламадевска

Им честитаме на сите наградени ученици и ги пофалуваме за нивниот труд и успех. Благодарност до сите ученици кои учествуваа и помогнаа оваа активност да биде успешна и забавна. Ви посакуваме многу успеси во наредната учебна година!

Со нетрпение очекуваме уште многу вакви едукативни и забавни настани кои ќе ја збогатат нашата училишна заедница.