Денеска, по повод Неделата за грижа на старите лица, дел од учениците и вработените од ООУ „Дедо Иљо Малешевски“ беа гости во Домот за стари лица „Д-р Иван Влашки“ во Берово. Со својата посета и подготовките, тие внесеа радост и насмевки кај корисниците на домот.

Учениците подготвија програма која опфати лични поетски и ликовни творби, рецитали и драматизации. Преку овие изведби, тие ја изразија својата благодарност и љубов кон старите лица, правејќи им го денот посебен.

Со гордост можеме да кажеме дека денес не само што ги израдувавме корисниците на домот, туку и ја споделивме важната порака за меѓусебна грижа и почит. Веруваме дека ваквите активности ја збогатуваат нашата заедница и не поттикнуваат сите да се грижиме за оние кои го заслужуваат нашето внимание и љубов.

Благодарност до сите ученици и вработени кои го направија овој ден посебен!