Со голема гордост Ве известуваме дека нашите ученици Кристијан Каламадевски, Сара Ризовска и Моника Стајковска, под менторство на наставникот по физичко и здравствено образование, Горан Младеновски, денес (4 април 2025) заминуваат за Златибор, Република Србија.

Тие ќе го претставуваат ООУ „Дедо Иљо Малешевски“ – Берово и нашата држава на Светските училишни спортски игри за ученици до 15 години, кои ќе се одржат во периодот од 4 до 14 април 2025 година.

Нашите талентирани ученици ќе се натпреваруваат во спортската дисциплина пинг-понг, во исклучително силна конкуренција со ученици од над 50 земји од различни континенти и повеќе од 4000 учесници!

Им посакуваме среќен пат на Кристијан, Сара, Моника и наставникот Горан Младеновски. Стискаме палци за нив и им посакуваме многу успех, добро дружење и незаборавно искуство на Светските училишни спортски игри!