Велигденскиот дух и празничното расположение го исполнија дворот на нашето училиште „Дедо Иљо Малешевски“! По повод претстојниот голем христијански празник Велигден, се одржаа традиционалните „Велигденски игри 2025“.

Училишниот двор беше претворен во арена на забава, каде учениците учествуваа во различни интересни активности. Смеата, дружењето и натпреварувачкиот дух беа дел од атмосферата, создавајќи убави спомени за сите присутни.

Овие игри се одлична можност за учениците да се забавуваат, да соработуваат и да го почувствуваат заедништвото во пресрет на празникот.

Нека ни се среќни претстојните Велигденски празници!