Денес, 22 Април – Меѓународниот ден на планетата Земја, учениците од VIII одделение во ООУ „Дедо Иљо Малешевски“ организираа и одржаа инспиративна квиз работилница на англиски јазик, посветена токму на нашиот единствен дом.

Преку комбинација на натпревар, меѓусебно советување и забава, осмоодделенците ги истражуваа начините за заштита на нашата планета. Тие јасно ја испратија пораката:

„ЗЕМЈАТА Е НАШ ДОМ – ДА ЈА ЧУВАМЕ ЗАЕДНО!!!“

Активноста имаше за цел да ја подигне свеста за неопходноста од заштита на животната средина и да потсети на важноста од одговорното однесување на секој поединец. Нашите ученици покажаа дека разбираат колку е значајно сите заедно да работиме за почиста и поздрава иднина.

Честитки за осмоодделенците за одличната иницијатива и за начинот на кој го одбележаа овој важен ден!