Нашето училиште, ООУ „Дедо Иљо Малешевски“ во Берово, е избрано да биде едно од 120-те училишта во државата во кои се спроведува Државното тестирање на учениците.

Оваа недела, тестирањето се реализира со учениците од четврто одделение. Главната цел на овој процес е да се провери остварувањето на стандардите за постигањата на учениците во текот на основното образование, односно да се добие јасен увид во степенот на усвоеност на знаењата и вештините кои се предвидени со наставните програми.

Тестирањето е фокусирано на усвоените наставни содржини од трето одделение и се одвива во два дена:

• Вчера, на 7 октомври, успешно се реализираше државното тестирање по предметот Македонски јазик.

• Денес, на 8 октомври, се спроведува државното тестирање по предметот Математика.

Овој процес е од големо значење бидејќи дава реална слика за образовните постигнувања на учениците и помага во понатамошното унапредување на наставата. На нашите четвртоодделенци им посакуваме успешна работа и одлични резултати!