
Убедлива доминација на теренот: Нашата футсал екипа се пласираше на меѓуопштинските натпревари!
ноември 6, 2026
Победничката серија продолжува: Убедливи 7:0 на меѓуопштинскиот натпревар во футсал и пласман на зонско ниво!
ноември 12, 2026Среќно во Турција: Нашиот Јован Пармачки ја претставува Македонија на Европското првенство во пинг-понг до 13 години!

Од 11 до 15 ноември, нашиот талентиран ученик од седмо одделение при ООУ „Дедо Иљо Малешевски“ – Берово, Јован Пармачки, преку Пингпонгарската федерација на Македонија ќе учествува на Европското првенство во пинг-понг до 13 години (У-13) во Турција.
Ова претставува огромна гордост за едно мало градче како Берово и за нашето училиште – да имаме свој македонски репрезентативец на ваков престижен континентален собир, каде Јован повторно ќе ги одмери силите со најдобрите млади спортисти од цела Европа.
По тој повод, денес во училиштето владееше посебна и емотивна атмосфера. Неговите соученици, заедно со одделенскиот раководител Сузана Гашчеовска и стручната служба на училиштето, му приредија срдечно испраќање и му посакаа многу среќа, одлична игра и висок пласман на големото натпреварување.
Се гордееме што во нашите редови имаме ваков млад амбасадор на спортот. Целото училиште и цело Берово навиваат за тебе, Јоване – ти посакуваме многу успех и нови победи во Турција!





