Знаењето, посветеноста и искрената љубов кон природните науки секогаш го наоѓаат патот кон успехот! Вистински доказ за тоа се извонредните резултати кои нашите ученици ги постигнаа на државно ниво.

На 7 јуни, на Природно-математичкиот факултет во Скопје се одржа Државниот натпревар по природни науки во организација на Македонското биолошко друштво – Скопје. Нашите млади таленти покажаа одлично знаење и се закитија со следните признанија:

• Јана Бојчовска (IV одделение), под менторство на наставничката Мимоза Кржовска – освоена II награда

• Софија Милошевска (IV одделение), под менторство на наставничката Кристина Читинска – освоена III награда

• Јована Трајановска (V одделение), под менторство на наставничката Александра Пачемска – освоена III награда

• Николија Распашковска (IV одделение), под менторство на наставничката Весна Рајковска – освоена пофалница

• Теодор Пелтековски, под менторство на наставничката Верица Арнаутовска – забележа успешно учество

Упатуваме најискрени честитки до сите ученици и нивните менторки за вложениот труд и одличното претставување на училиштето. За остварување на овие континуирани успеси, упатуваме и голема благодарност за несебичната поддршка од директорката на училиштето, м-р Наташа Аврамска.

Им посакуваме на нашите млади научници уште многу знаење и нови достигнувања!