Грижата за животната средина и креирањето зелени решенија секогаш заслужуваат да бидат наградени! Вчера во просториите на ООУ „Дедо Иљо Малешевски“ – Берово се одржа свечено доделување на награди и благодарници на учениците кои зедоа активно учество во натпреварот за идеи и решенија „Зелено и енергетски ефикасно училиште“.

Овој значаен натпревар е дел од регионалниот проект „Училишта за климатска акција“, имплементиран од Националниот младински совет на Македонија, а поддржан од Фондацијата Отворено општество – Западен Балкан.

Упатуваме огромна благодарност до наставничките Александра Пачемска и Верица Арнаутовска, кои во изминатиот период беа максимално посветени и активно вклучени во реализацијата на сите активности предвидени со проектот. Оваа успешна еко-приказна за нашето училиште континуирано се одвиваше со целосната поддршка од директорката, м-р Наташа Аврамска.

Им честитаме на сите наградени учесници за нивните иновативни визии и желбата да придонесат кон позелена иднина!