На самиот праг на новата учебна година, пристигнуваат фантастични спортски вести кои нè прават неизмерно горди на нашите ученици!

Нашиот талентиран ученик Јован Пармачки од ООУ „Дедо Иљо Малешевски“ – Берово, под менторство на наставникот по физичко и здравствено образование Горан Младеновски, оствари извонреден меѓународен успех.

На големото меѓународно финале во рамките на престижните „Плазма Спортски игри за млади“, кое се одржа во Сплит, Хрватска, Јован се натпреваруваше во исклучително силна конкуренција. Со својата упорност, талент и спортски дух, тој успеа да се закити со сребрен медал, освојувајќи го одличното второ место! Со овој брилијантен резултат, тој на најдобар можен начин ги претстави не само нашето училиште и Берово, туку и цела Македонија.

Овој сребрен медал е само круна на неговото веќе богато спортско искуство. Претходно, Јован има забележано учества на бројни меѓународни натпревари во пинг-понг ширум светот, бранејќи ги боите на нашата земја во Кина, Португалија, Шведска, Србија, Бугарија, Грција, Албанија и Косово.

Упатуваме најискрени честитки до Јован и неговиот ментор Горан Младеновски за овој голем спортски подвиг. Ова е прекрасен мотив за сите нас пред почетокот на новата учебна година. На Јован му посакуваме уште многу победи, медали и светски спортски врвови во иднина!