Како што веќе објавивме, на 14 март нашето училиште со големо задоволство беше домаќин на регионалниот натпревар по математика. Угостивме ученици од четврто до деветто одделение од основните училишта во Берово, Делчево, Македонска Каменица, Пехчево и Русиново.

Сега, со голема гордост ви ги споделуваме и официјалните резултати. Нашите талентирани ученици покажаа одлично знаење и логичко размислување, постигнувајќи забележителни успеси:

• Четврто одделение (ментор Кристина Читинска): Михаела Зашаровска освои трета награда, додека Јоана Буровска и Теодосија Милчовска се закитија со пофалници.

• Петто одделение (ментор Лидија Крамарска): Мартина Мустачка забележа успешно учество.

• Шесто одделение (ментор Марија Пуловска): Огромен успех постигнаа Алексија Кафеџиска која освои втора награда и Лара Ужевска со освоена трета награда. Со овие резултати, двете ученички си обезбедија пласман на државниот натпревар! Марко Цикарски доби пофалница, додека Зорица Младеновска, Николија Деполовска и Екатерина Дујовска забележаа успешно учество.

• Седмо одделение (ментор Лила Пекевска): Ања Атанасова исто така забележа успешно учество.

Упатуваме најискрени честитки до сите наши ученици и нивните менторки за вложениот труд и посветеност. На Алексија и Лара им посакуваме многу среќа и бистар ум на претстојниот државен натпревар!