Денес, 2 април, во нашето училиште со многу топлина и поддршка го одбележавме Светскиот ден на аутизмот. Овој ден е важен потсетник за сите нас дека различностите се оние кои нè прават посебни и дека секое дете заслужува љубов, разбирање и еднакви можности.

Преку разговори и активности со учениците, испративме силна порака за инклузија, емпатија и вистинско другарство. Нашата мисија секогаш е да градиме средина каде секој ученик ќе се чувствува безбедно, прифатено и поддржано од своите соученици и наставници.

Сите ние заедно продолжуваме да учиме дека поддршката значи многу и дека токму со прифаќањето на различностите стануваме посилни и подобри луѓе.