Група на ученици од седмо одделение со наставникот Александра Пачемска од ООУ „Дедо Иљо Малешевски„ Берово зедоа активно учество за одбележување на европскиот ден за Натура 2000 кој се организира во рамките на Програмата за зачувување на природата во Македонија-фаза 2.
Европскиот ден за Натура 2000 се одбележа на 21.5.2019 година во „Едукативниот центар во Негрево„ – Пехчево.
За таа цел учениците од основните и средните училишта од Берово, Пехчево и Делчево зедоа активно учество со изработка на тематски живеалишта кои се дел од биодиверзитетот на брегалничкото сливно подрачје, преку што беа запознаени со значењето и потребата на нивната заштита.
Преку презентации, професорите и наставниците од средните и основните училишта од Берово, Пехчево и Делчево, како и преставниците на клучните заинтересирани страни беа запознаени со процесот на воспоставување на Натура 2000.