ООУ ,,Дедо Иљо Малешевски и оваа година продолжува да ги брои успесите и проектите. По поднесената апликација од страна на наставникот по англиски јазик Сања Везенковска  во која нашето училиште се јавува како партнер училиште согласно правилата за акција КА229- Стратегиски партнерства за училишни размени од Националната Агенција за европски образовни програми и мобилност на Република Северна Македонија   добивме известување дека проектот е одобрен со решение број 26-1155/1.
 
За истиот проект активностите се планирани со  четири други училишта од следниве држави: Турција , Романија, Литванија, Италија , вклучувајќи го и нашето училиште. Во меѓувреме се одржаа неколку видео конференции со цел остварување контакти со сите партнер училишта. Бенефит од проектот ќе имаат и учениците и вработените во училиштето. Во иднина почнува соработка за реализација на активностите предвидени во проектот.