1 декември се одбележува како Светски ден на борба против СИДА.
 
Секоја година на овој ден се промовира Светска кампања која ја испраќа пораката за превенција од  ХИВ/СИДА.
 
Црвената лента ја симболизира борбата против СИДА, грижата и поддршката за луѓето кои се заразени и болни од ХИВ/СИДА.
 

 
Нашето училиште и оваа година со неколку работилници кои ќе се реализираат со учениците од IX одделение, ќе ја одбележи оваа кампања. Така, во  пресрет на 1 Декември, наставничката по биологија Снежана Калпачка и училишниот психолог Весна Фурнаџиска, со учениците од IX-б одделение ја реализираа првата работилница од циклусот планирани работилници.
 

 
На самиот почеток од работилницата, учениците беа запознаени со значењето на Неделата на борба против СИДА, како и со целта на работилницата: ЗАПОЗНАВАЊЕ СО ПОЛОВО-ПРЕНОСЛИВАТА БОЛЕСТ-ХИВ/СИДА-МЕРКИ И ЗАШТИТА.
 
Во понатамошниот тек на работилницата, учениците беа поделени во четири групи. Секоја група доби работен лист  со по пет различни тврдења, на кои тие со заокружување определуваa што мислат дека е точно или неточно. Потоа, секојa група ги презентираше своите одговори, а наставничката и психологот кажуваа дали одговорот е точен или не, со дополнителни коментари на поедини нејасни прашања.
 

 
Потоа беше прочитано предавање на таа тема изготвено од психологот, а во продолжение, наставничката  по биологија и психологот, преку прашања и дискусија со учениците, го утврдија она што се реализираше на часот.
 

 
На крајот од работилницата, секоја група доби флаер со едукативна содржина на таа тема.