Како дел од Програмата “Интеграција на еколошката едукација во Македонскиот образовен систем“, здружението за едукација, комуникација и консалтинг ОХО во месец март преку Програмата за мали грантови отвори повик за училишта и градинки кои се членови на националната мрежа на еко училишта и градинки.
 
ООУ „Дедо Иљо Малешевски“ Берово со статус на сребрено ниво аплицираше за финансиска подршка за еколошки проект во износ од 500 евра.
 
Во соработка со општина Берово а воедно и партнер на проектот, училиштето аплицираше на тема “Биодиверзитет“ со проектот “Засади дрво, засади цвет за поубав свет“.
 
Вклучувајќи се во акцијата “Ден на дрвото“, ООУ “Дедо Иљо Малешевски“ започна со реализација на дел од предвидените активности од проектот.
 
За таа цел дополнително ќе се доуреди училишниот двор на предната и задната страна со засадување на разновиден растителен свет.
 
Во зависност од временските услови училиштето продолжува со тековно реализирање на предвидените активности од проектот.