На 13 април 2024 година, учениците од ООУ „Дедо Иљо Малешевски“ од Берово покажаа впечатливи вештини и знаења на регионалниот натпревар по англиски јазик ЕЛТАМ, одржан во ОУ „Ванчо Прќе“ во Делчево. Иако конкуренцијата беше навистина голема, нашите ученици од петто до деветто одделение покажаа одличен успех во англискиот јазик.

Учениците од V и VI одделение, под менторството на Сања Везенковска, постигнаа значајни успеси. Јана Каламадевска од V одделение го освои првото место, додека Атанаско Цонкински и Изабела Ралповска од VI одделение добија потврди за учество.

Во категоријата на VII одделение, под менторство на Александра Буровска, Петар Букушовски ја освои првата награда, а Анастасија Распашковска заслужено го зазеде второто место. Нивните резултати говорат за нивната исклучителна подготвеност и страст кон учењето.

Од VIII одделение, Димитар Скендерски и Марко Дракалски, под менторство на Весна Бојчовска Кускинска, добија потврди за учество, покажувајќи солидно знаење и посветеност. IX одделенци исто така покажа силни перформанси; Бисера Брашнарска освои трето место, додека Тамара Радинска доби потврда за учество, со менторство на Маја Бојаџиски.

Посебни честитки заслужуваат Јана Каламадевска, Петар Букушовски и Анастасија Распашковска, кои се пласираа за настап на државниот натпревар. Нивните постигнувања се огледало на нивниот труд и напор, и им посакуваме многу успех во предизвиците што следуваат.

Оваа година, нашите ученици повторно покажаа дека се меѓу најдобрите, и горди сме што можеме да ги споделиме нивните успеси со целата заедница. Браво на сите ученици и нивните ментори за нивната посветеност и извонредни резултати на регионалниот натпревар по англиски јазик!