На 13 април 2024 година, учениците од ООУ „Дедо Иљо Малешевски“ – Берово ги покажаа своите вештини на Регионалниот натпревар по македонски јазик кој се одржа во ООУ „Кирил и Методиј“ во Кочани. Нашите ученици, водени од посветени ментори, демонстрираа знаења и креативност, и се издвоија со високи резултати.

Под менторството на наставничката Габриела Пипонска, учениците Андреа Боболинска и Анџелина Беџовска од 6 одделение и ученичката Лина Сирачевска од 9 одделение покажаа неверојатен талент. Андреа го освои прво место со импресивни 90 поени, додека Анџелина исто така се истакна со одлични резултати.

Наставничката Веселинка Каламадевска беше ментор на учениците Дарио Тушевски и Михаела Беџовска од 8 одделение и Ана Дракалска од 9 одделение. Дарио се пласираше на државниот натпревар со своите одлични перформанси.

Представник од подрачното училиште во с. Митрашинци беше наставничката Веска Видинска, која го поддржа ученикот Лука Цонкински во неговото учество.

Овие успеси не се само показател за врвно знаење и способности, туку и за трудот и посветеноста која нашите наставници и ученици вложуваат во подготовките. Им честитаме на сите наши учесници и нивните ментори за нивниот успех и им посакуваме многу среќа на предстојниот државен натпревар.