На 22 и 23 март оваа година, во Скопје во Приватното средно училиште „Јахја Кемал“ се одржа Квалификационен натпревар за стипендии по хемија, на кој учествуваа 210 натпреварувачи од основните училишта во Македонија.
На натпреварот учестуваа тројца ученици од ООУ„Дедо Иљо Малешевски“ од Берово, Бојана Монева, Радица Пипонска и Душко Здравковски кои под менторство на наставничката Сузана Гаштеовска постигнаа доста забележителни резултати.
Најзабележителен резултат на натпреварувањето постигна Радица Пипонска која после поминатите 3 круга влезе во 10те најдобри натпреварувачи и го освои 4тото место на натпреварот здобивајќи се со Сертификат за освоеното место кој и овозможува 60% попуст за школарината доколку се одлучи своето средно образование да го продолжи во ова приватно средно училиште.
По тој повод, учениците заедно со наставничката – ментор, беа на прием кај директорката на ООУ „Дедо Иљо Малешевски“, Наташа Аврамска, каде ги пренесоа импресиите од самиот натпревар и постогнатите резултати.