На 27 март, нашето училиште повторно беше центар на знаењето, овој пат како домаќин на регионалниот натпревар по биологија. Натпреварот се реализираше онлајн преку платформата ClassMarker, во организација на Македонското биолошко друштво од Скопје.

Нашите ученици покажаа одлично познавање на биологијата и постигнаа прекрасни резултати под водство на своите вредни менторки.

Под менторство на наставничката Верица Арнаутовска, ученичките од деветто одделение Андреа Арнаутовска и Ева Симоновска блеснаа со своето знаење и си обезбедија пласман на државниот натпревар. Нивните соученички Елена Пелтековска и Ангела Џалевска, како и Ева Тркалевска (деветто одделение) и Вероника Газинковска (седмо одделение) од подрачното училиште во Митрашинци, забележаа успешно учество.

Одлични беа и учениците под менторство на наставничката Александра Пачемска. Седмоодделенците Теофил Цикарски и Марко Каракутовски исто така си обезбедија пласман и ќе го претставуваат училиштето на државниот натпревар, додека осмоодделенките Теодора Пелтековска и Ана Бошнаковска забележаа успешно учество.

Упатуваме најискрени честитки до сите ученици и нивните менторки за постигнатиот успех. На оние кои продолжуваат понатаму, им посакуваме многу среќа и уште повисоки резултати на државното ниво!