Денес, 10 мај 2025 година, е ден за голема радост и гордост во ООУ „Дедо Иљо Малешевски“ – Берово! Нашите талентирани ученици постигнаа врвни резултати на престижниот Државен натпревар по англиски јазик, кој се одржа во Скопје.

Со огромно задоволство го споделуваме успехот на:

• Петар Букошовски, кој го освои извонредното II (второ) место! Честитки до Петар за покажаното знаење и труд, како и до неговата менторка, наставничката Александра Буровска, за посветената работа и поддршка.
• Изабела Ралповска, која го освои одличното III (трета) награда! Искрени честитки до Изабела за нејзиниот успех, како и до нејзината менторка, наставничката Сања Везенковска, за стручното водство.

Овие високи пласмани се доказ за континуираната работа, посветеноста и талентот на нашите ученици, како и за професионалноста и ангажираноста на нивните наставници-ментори. Успехот на Петар и Изабела е гордост за целото наше училиште и поттик за сите останати ученици да продолжат да ги негуваат своите афинитети кон странските јазици.

Им посакуваме уште многу успеси во иднина! Браво!