Денеска, учениците од осмо и деветто одделение при ООУ „Дедо Иљо Малешевски“ – Берово имаа поинаков и многу корисен час. Во рамките на наставните содржини по предметот Граѓанско образование, тие реализираа едукативна посета на Општина Берово.

Главната цел на оваа активност беше учениците непосредно да се запознаат со работата на локалната самоуправа, да го разберат нејзиното функционирање и активно да ја развиваат својата граѓанска свест.

Учениците беа топло пречекани во општинската сала, каде што имаа можност да проследат обраќање, но и активно да се вклучат преку поставување на прашања поврзани со локалните процеси. По дискусијата, тие разгледаа дел од просториите на општината, запознавајќи се одблизу со секојдневната работа на администрацијата.

Оваа одлична иницијатива беше реализирана под координација на наставничката по Граѓанско образование, Софче Дочинска.

Упатуваме најискрена благодарност до Општина Берово за срдечното гостопримство, одвоеното време и подготвеноста да ги едуцираат нашите млади граѓани.