Учениците од ООУ „Дедо Иљо Малешевски“ уште еднаш ја покажаа својата хуманост која веќе неколку години наназад преку нивните креации и декорации на велигденски јајца се преставуваат пред граѓаните на Берово и туристите кои се во посета на нашата општина.
Главното мото на хуманитарната акција беше„ Добрата волја да се помогне на некого“. Па така средствата кои беа собрани помогнаа на неколку ученици да заминат на научно-училишната ескурзија која се организира во шесто одделение заедно со своите другарчиња.
Хуманитарната акција беше во организација на наставникот по Етика во религиите Ѓоко Белчовски и наставничката по ликовно воспитание Мацка Пеовска потпомогнати од директорката на ООУ „Дедо Иљо Малешевски“ Наташа Аврамска.
Директорката на учесниците и организаторите им приреди мал коктел и им беа доделени благодарници за успешно завршената акција