Впечатлива спортска вечер на завршниот ден од Работничките спортски игри во мал фудбал, кои беа организирани од страна на Општина Берово. Денеска, во салата „Македонски бранители“ во Берово, која беше исполнета до последно место, тимот на Образование го освои првото место, откако со 4:1 го победи тимот на АРМ.

Претходно, за третото место, играа тимовите на Труд и социјала и Суд против Фагус. Натпреварот беше непредвидлив и рамноправен, и на крајот, по изведување на пенали, победници беа фудбалерите на Труд и социјала и Суд, кои ја зазедоа третата позиција.

Во исполнетата сала сите бараа слободно место, што покажува дека Беровчани уживаат во такви спортски настани и културни собири, кои треба да се организираат повеќе во градот.

Подолу се наведени наградите кои беа доделени:

• 1 место – Образование
• 2 место – АРМ
• 3 место – Труд и социјала и Суд

За најдобар стрелец на турнирот беше прогласен Александар Мишовски од екипата на Образование.

Со ова завршуваат овогодинешните традиционални Работнички спортски игри. На тимот Образование им го честитаме освојувањето на првото место.