На 6 јуни 2024 година, учениците од второ одделение, заедно со своите наставнички по англиски јазик Александра Буровска и Сања Везенковска, одржаа инспиративна работилница на тема „Rainbow in the Sky“. Оваа работилница имаше за цел да ги поттикне учениците да ги изразат своите способности во говорење и пеење на англиски јазик, како и да креираат и цртаат прекрасни мотиви.

Во текот на работилницата, учениците не само што ги подобруваа своите јазични вештини, туку и го разубавуваа кејот на реката Брегалница со своите шарени и креативни цртежи и изработки. Тие работеа во групи, поттикнувајќи ги сите свои другарчиња да им се придружат, со што ја покажаа важноста на соработката и тимската работа.

Оваа активност значително придонесе кон зајакнувањето на врските помеѓу учениците и создаде позитивна  училишна средина. Учениците уживаа во својата креативност и ја покажаа својата способност да работат заедно, помагајќи си еден на друг и учејќи нови вештини.

Горди сме на нашите ученици и наставници за нивниот труд и залагање, и со нетрпение очекуваме уште многу вакви успешни активности кои ќе ги поттикнуваат нашите ученици да растат и да се развиваат во позитивна и инспиративна средина.