Со цел да се збогати училишната средина и да се подобри визуелната атрактивност, ООУ „Дедо Иљо Малешевски“ неодамна спроведе еден иновативен проект. Дел од прозорците во нашите холови и училници добија свеж нов изглед со залепени декоративни фолии.

Овие фолии не се само естетски дополнување во нашето училиште, туку и практично средство за подобрување на наставниот процес. Тие служат како нагледни средства кои овозможуваат на нашите креативни ученици и наставници да имаат полесно совладување на наставниот материјал, нудејќи интерактивен и визуелно стимулирачки пристап кон учењето.

Освен образовниот аспект, оваа промена значително го разубавува и освежува работниот амбиент во училиштето, правејќи ги просториите повеќе пријатни и стимулативни за сите нас.

За да го видите прекрасниот нов изглед на просториите во нашето училиште, ве покануваме да ја погледнете галеријата на слики која ја имаме подготвено.

Убедени сме дека овие нови додатоци ќе придонесат за уште поквалитетна и убава училишна средина за сите наши ученици и наставници.