И оваа година учениците од ООУ „Дедо Иљо Малешевски“ под менторство на одговорните наставници Жанета Ралповска и Веселинка Каламадевска и со несебична поддршка од директорот на училиштето, госпоѓа Наташа Аврамска, организираа свечена приредба на која се претставија голем број ученици со своите драматизации, рецитали, имитации и балетски точки.Ја испратија старата со успеси и желби да ја пречекаат Новата година со радост и добро здравје, со што ги стоплија срцата на присутните во салата на Бизнис-инкубаторот која беше мала да ги собере сите заинтересирани гледачи.