Во позитивна атмосфера и исчекување, вчера во ООУ „Дедо Иљо Малешевски“ во Берово се одбележа почетокот на новата учебна година 2023/2024. Училиштето свечено ги отвори вратите за своите ученици, особено за нашите најмлади, првачињата.

На приредбата, која беше подготвена од страна на нашите ученици, говор држеа директорка на училиштетот и градоначалникот. Тие им посакаа на учениците успешна и плодна учебна година, а на првачињата – незаборавен прв училишен ден и многу нови пријателства.

После завршувањето на приредбата, првачињата беа примени и распоредени по паралелки, каде им беа доделени и нивни наставници. Тие со нетрпение го исчекуваа овој момент и сега еве ги, спремни да започнат со своето ново училишно патување.

За учебната година која е пред нас имаме големи очекувања и сме сигурни дека ќе биде успешна, збогатена со многу нови знаења, успеси и радост.