Со гордост и ентузијазам, ООУ „Дедо Иљо Малешевски“ денеска ги отвори своите врати за новите членови во Детската светска организација. Првачињата стапија под мотото ,,Јас и светот околу мене”, приклучувајќи се на своите постари другари.

За да ги поздрават и пречекаат нашите првачиња, учениците од училиштето приредија специјален настан, посакувајќи им среќен почеток и добредојде во оваа голема заедница. Исто така приредби за приемот на првачињата имаше и во подрачните училишта во Двориште и Митрашинци

М-р Наташа Аврамска, Директорот на училиштето, исто така упати топли честитки до првачињата, истакнувајќи дека со нивниот прием, тие се рамноправни со сите ученици и се важен дел од училишната заедница.

Свеченоста продолжи со заклетвата на првачињата, кои со чесен татковински збор потврдија дека ќе бидат вредни, примерни и добри другари. Во знак на благодарност и поддршка од училиштето им подарија мали, но значајни подароци.

Во текот на Детската недела на детето, оваа прилика е потсетник дека училиштето не е само место за учење, туку и втор дом за нашите ученици. Вложувањето во нашите деца е вложување во иднината. Тие имаат право на образование, дружење и подготовка за животните предизвици.