Во атмосфера полна со научна страст и конкурентски дух, учениците од ООУ „Дедо Иљо Малешевски“ го покажаа своето знаење и вештини на општинскиот натпревар по хемија, одржан на 23 февруари 2024 година. Нашите ученици се истакнаа со високи достигнувања.

Во категоријата за VIII одделение, Стефан Атанасов го освои впечатливото трето место, пласирајќи се за учество на регионалниот натпревар. Марко Дракалски исто така се квалификуваше за учество на регионалниот натпревар. Михаела Беџовска, Филип Милчовски и Дина Кучевиќ Колевска, беа наградени со пофалници за нивното учество. Учениците Мила Левков, Драган Буровски, Сара Бугариновска, Сезен Демировска и Ева Бараковска заслужија сертификати за успешно учество на натпреварот.

Нашиот успех продолжи и во категоријата за IX одделение, каде Михаел Пехчевски се истакна со освојувањето на второто место, додека Лина Сирачевска освои трето место, и двајцата продолжуваат понатаму на регионалнниот натпревар. Евгенија Сирачевска и Бисера Брашнарска, беа одликувани со трето место и дипломи за нивниот извонреден настап.

Овој успех е резултат на посветеноста и страста кон хемијата која учениците и нивниот ментор Сузана Гашчеовска ја покажаа во подготовките за натпреварот. Нивните достигнувања се пример за сите нас во ООУ „Дедо Иљо Малешевски“ и доказ дека упорноста и желбата за учење водат кон значајни успеси.

Со гордост им честитаме на сите наши ученици и нивниот ментор за награди и признанија на општинскиот натпревар по хемија. Пред нас е регионалниот натпревар, и со нетрпение очекуваме да ги поддржиме нашите ученици во нивните идни предизвици и успеси.