Денес е Меѓународен ден на мајчиниот јазик. Денес е ден кога треба да се поклониме пред светоста и благородноста на она што нè прави свои и горди, а тоа е нашиот мајчин, македонски јазик. Даден од прадедовци да им го оставиме на поколенијата како најсвет аманет за тоа како се сака. Мисирков, Вапцаров, Рацин, Блаже Конески, се само дел од плејадата великани кои оставија траен белег за нашиот мајчин јазик.

По тој повод , денеска во нашето училиште се организираа низа активности за негување и почитување на мајчиниот јазик. Учество земаа учениците од VI, VII, VIII и IX одделение под раководство на наставниците по македонски јазик и читаа свои лични творби посветени на мајчиниот јазик, како и извадоци од творби на најпознатите македонски автори.