Со огромна гордост споделуваме прекрасни вести од Државниот натпревар по математика! Нашите талентирани ученички од шесто одделение уште еднаш покажаа дека со труд, упорност и љубов кон броевите се постигнуваат врвни резултати.

Лара Ужевска се закити со трета награда и исклучително достојно го претстави нашето училиште на државно ниво. Нејзината соученичка Алексија Кафеџиска освои пофалница, покажувајќи одлично знаење и логичко размислување во решавањето на сложените задачи.

Овие прекрасни резултати се плод на нивната секојдневна посветена работа, но и на континуираната поддршка и насоки од нивниот ментор, наставничката Марија Пуловска.

Упатуваме најискрени честитки до Лара, Алексија и наставничката Марија за овој значаен успех. Им посакуваме уште многу вакви радости и нови математички достигнувања во иднина!