Денес, 18 април, нашите талентирани ученици зедоа учество на регионалниот натпревар по англиски јазик кој се одржа во ООУ „Ванчо Прке“ во Делчево. Со огромна гордост споделуваме дека нашите претставници покажаа извонредно знаење, одлично владеење на јазикот и постигнаа фантастични резултати.

Ова се успесите на нашите ученици по одделенија:

• Шесто одделение: Николија Арменска освои втора награда и пласман на државен натпревар, додека Јана Букушовска освои трета награда.

• Седмо одделение: Дарија Чичаковска брилираше со освоена прва награда и пласман на државен натпревар, а Јана Каламадевска освои втора награда и исто така си обезбеди пласман на државното ниво.

• Осмо одделение: Изабела Ралповска освои втора награда и пласман на државен натпревар, додека Андреа Боболинска се закити со трета награда.

• Деветто одделение: Петар Букушовски освои втора награда и пласман на државен натпревар, а Анастасија Распашковска освои трета награда.

Упатуваме најискрени честитки до сите ученици и нивните ментори за вложениот труд и овие прекрасни успеси. На учениците кои продолжуваат понатаму им посакуваме многу среќа и уште повисоки резултати на државниот натпревар!