На 3 април, нашето училиште повторно беше центар на знаењето, овој пат како домаќин на Регионалниот натпревар по природни науки. Натпреварот се реализираше преку платформата ClassMarker, во организација на Македонското биолошко друштво – Скопје.

Нашите ученици покажаа извонредно познавање на природните науки, постигнаа фантастични резултати и освоија бројни награди под водство на своите посветени менторки:

• Четврто одделение: Под менторство на Мимоза Кржовска (ПУ Ратево), Јана Бојчовски освои прва награда и пласман на државен натпревар. Под менторство на Кристина Читинска, Софија Милошовска освои прва награда и пласман на државен натпревар, Јоана Буровска втора, а Јована Рунтевски трета награда. Под менторство на Весна Рајковска, Николија Распашковска освои втора награда и пласман на државен натпревар, додека Мила Кафтанска и Леона Предарска се закитија со пофалници.

• Петто одделение: Под менторство на наставничката Александра Пачемска, Јована Трајановска освои втора награда и пласман на државен натпревар. Викторија Младеновска исто така освои втора награда, додека Тео Буровски доби трета награда.

• Шесто одделение: Под менторство на наставничката Верица Арнаутовска, Теодор Пелтековски блесна со прва награда и пласман на државен натпревар, а Лара Ужевска освои одлична втора награда.

Упатуваме најискрени честитки до сите ученици и нивните менторки за овој огромен успех. На учениците кои обезбедија пласман и ќе го претставуваат училиштето на државниот натпревар им посакуваме бистар ум и уште поголеми успеси!