Во нашето училиште на прекрасен и продуктивен начин го одбележавме 22 април – Денот на планетата Земја. Во таа чест, успешно се спроведе воннаставната активност „Заеднички за зелено застапување“, која претставува заеднички проект реализиран во соработка со Здружението на социјални работници на Македонија и локалната самоуправа.

Со цел да се подигне еколошката свест, беше распишан анонимен литературен и ликовен конкурс на темата „Животната средина – наша одговорност“. Нашите ученици покажаа огромна креативност, а од пристигнатите трудови беа наградени следните:

• Литературен конкурс (сите наградени се од осмо одделение): Првата награда ја освои Лина Мустачка, втората Антонија Марковска, а третата Теодора Пачемска.

• Ликовен конкурс: Првата награда ѝ припадна на Константина Пеовска (осмо одделение), втората на Лара Дракалска (шесто одделение), а третата ја освои Андреј Зелнички (осмо одделение).

• Презентации на темата: За изработка и презентирање на одлични материјали на темата беа наградени Николија Арменска (шесто одделение) и Антонија Марковска (осмо одделение).

За да покажат дека грижата за природата се покажува на дело, нашите вредни ученици го заокружија денот со еко-акција, при што во училишниот двор засадија нови цвеќиња и дрвца.

Упатуваме најискрени честитки до сите наградени ученици и голема благодарност до сите што дадоа свој придонес за позелена и поздрава околина!