Врз основа на член 61 и член 63 од Законот за основно образование (Службен весник на Република Северна Македонија бр. 161/19, 229/20,3/25,74/25), Ве известуваме дека ООУ,, Дедо Иљо Малешевски“- Берово, врши

ЗАПИШУВАЊЕ ВО I ОДДЕЛЕНИЕ
во учебната 2026/2027 година

УСЛОВИ ЗА ЗАПИШУВАЊЕ

1. Децата кои до крајот на календарската година ќе наполнат шест години (односно родени 2020 година).
2. По исклучок, детето може да се запише во прво одделение , доколку наполни шест години до 31 јануари наредната 2021 година, по претходно барање од родителот, односно старателот и добиено мислење од педагогот или психологот во училиштето.
3. Запишувањето на детето, на барање на родителот, односно старателот,  здравствената установа може да го одложи за една година ако се утврди дека детето не е подготвено да оди на училиште.

Уписот ќе биде во тек на месец MАЈ.

• Децата се запишуваат во основното училиште во реонот во кој живее или каде што постојано престојува или
• Основното училиште е должно да ги запише учениците од својот реон, без исклучоци, освен во случаи кога во училиштетo на реонот нема услови за следење на настава на мајчин јазик, постои документација која го потврдува здравственото или психосоцијалното здравје на ученикот како основа за префрлање и кога училиштето има слободен капацитет и префлањето е во интерес на детето, потврдено од центарот за ментално здравје.

ПОТРЕБНИ ДОКУМЕНТИ:

• Извод од Матична книга на родените;
• Потврда за примените задолжителни вакцини за детето, издадена од надлежната здравствена установа;
• Потврда од извршен систематски преглед од стоматолог, издадена од надлежната здравствена установа;
• Потврда од извршен офталмолошки преглед од доктор специјалист, издадена од надлежната здравствена установа.
• При запишувањето на детето со попреченост во прво одделение родителот, односно старателот е должен да достави и проценка за попреченост од системот за проценка на лица со попреченост, за дополнителна образовна поддршка.
• При запишувањето на детето со комплексни потреби во прво одделение, родителот односно старателот може да го запише детето во основно училиште или во основно училиште со ресурсен центар, согласно проценка за попреченост од системот за проценка на лица со попреченост. Родителот, односно старателот може да го префрли ученикот од основно училиште во кое следи настава по модифицирана програма, да го продолжи своето образование во основно училиште со ресурсен центар, а по проценка за попреченост од системот за проценка на лица со попреченост.
• При запишувањето на детето со оштетен вид и/или слух во прво одделение, родителот односно старателот може да го запише детето во основно училиште или во училиште со ресурсен центар, согласно проценка за попреченост од системот за проценка на лица со попреченост.

Пријавата со потребните документи треба да се достават во просториите на ООУ,,Дедо Иљо Малешевски“- Берово, на денот наведен во поканата за упис.    

ООУ,, Дедо Иљо Малешевски“- Берово
Директор
М-р Наташа Аврамска