Денеска, 22 септември 2023 година, ООУ „Дедо Иљо Малешевски“ го одбележа Светскиот ден без автомобили. Овој настан има за цел да ја подигне свеста за значењето на чиста, здрава и зелена животна средина.

Со различни активности, училиштето се обиде да ги мотивира учениците и нивните семејства да размислуваат за алтернативни начини на движење кои се поблагопријатни за нашата планета. На овој начин, сакаме да придонесеме кон создавање на одржлива и здрава заедница.

Нека овој ден послужи како потсетник за сите нас дека малиот придонес на секој поединец може да направи голема разлика во зачувувањето на нашата животна средина.