Почитувани ученици и родители,
Следејќи ги годишните активности, нашите обврски и задолженија за заштита на правата на учениците, ООУ „Дедо Иљо Малешевски“ со задоволство објавува јавен повик за избор на ученички Правобранител и двајца заменици.

Целта на ученичкиот правобранител и неговите заменици е да се грижат за почитување и заштита на правата на учениците во училиштето, промовирање на детските права, и да пријавуваат секоја потенцијална повреда на детските права до надлежните органи.

Услови за учество:

• Ученички Правобранител: ученици од 7, 8 и 9 одделение.
• Заменик ученички Правобранител: ученици од 6, 7, 8 и 9 одделение.

Податоци потребни за пријавување:

• Пријава и мотивационо писмо. Формуларот за пријава може да се подигне од стручната служба, а истата треба да се достави до архивата на училиштето најдоцна до 05.10.2023. Мотивационото писмо се доставува во слободна форма.

Процес на селекција: Селекцијата ќе се врши од страна на комисија од училиштето, согласно дефинирани критериуми.

Ученичкиот Правобранител и замениците ќе имаат различни работни задачи, вклучувајќи учество на обуки, промовирање на правата на детето, и прибирање поплаки од учениците. Нивниот мандат ќе трае две учебни години и ќе добиваат целосна поддршка од страна на училиштето.

За детални информации и условите на повикот, ве молиме прегледајте го прикачениот PDF документ.

Со почит,
ООУ „Дедо Иљо Малешевски“