Учениците и вработените во ООУ “Дедо Иљо Малешевски“ од Берово и оваа година се вклучија во акцијата “Македонија без отпад“ која беше реализирана на територијата на целата Македонија.
Во акцијата беа вклучени централното училиште како и сите подрачни училишта во селските населби каде беа спроведени повеќе еколошки активности со вработените и учениците како собирање на стара хартија, чистење на училниците, едукативни презентации и чистење на училишниот двор.
Целта на акцијата е да се исчисти отпадот кој се наоѓа на несоодветни места, да се подигне свеста кај учениците и вработените за правилно управување со отпадот.